Hurmatli mualliflar!

Qo‘lyozmalarni tayyorlashda mualliflar Tibbiyot jurnallarining xalqaro muharrirlar qo‘mitasi (ICMJE) tomonidan ishlab chiqilgan tibbiyot sohasidagi ilmiy ishlarni yuritish, tasvirlash, tahrirlash va chop etish bo‘yicha tavsiyalariga amal qilishlari lozim.

Ilgari boshqa nashrlarda chop etilgan yoki chop etish uchun yuborilgan ishlarni tahririyatga yuborish mumkin emas.

Tahririyatga kelib tushgan barcha maqolalar plagiatga tekshiriladi.

Qo‘lyozma topshirilganida, mualliflar o‘zlarining moliyaviy yoki boshqa manfaatlar to‘qnashuvi haqidagi ma’lumotlarini oshkor qilish uchun javobgardirlar.

Agar tadqiqot homiylar tomonidan moliyalashtirilgan bo‘lsa, mualliflar ularning tadqiqot tuzilmasini aniqlash, ma’lumotlarni yig‘ish, tahlil qilish va talqin etish, shuningdek natijalarni chop etish haqidagi qaror qabul qilishdagi rolini ko‘rsatishlari shart.

Tahririyat maqolalarni tahrirlash va qisqartirish huquqini o‘zida saqlab qoladi.

Mazkur talablar asosida tayyorlanmagan maqolalar ko‘rib chiqilmaydi.

Maqolalarni yuborish tartibi

Quyidagi fayllar tayyorlanishi kerak:

• maqola matni Microsoft Word formatida (doc yoki docx fayl);
• rasm va grafiklar alohida fayl sifatida *.jpg, *.tif, *.png formatida, 300 dpi aniqlikda va 100% o‘lchamda topshiriladi.

Word yoki PowerPoint dasturlarida yaratilgan diagrammalar tegishli formatda (doc, docx, ppt, pptx) alohida fayl sifatida qo‘shiladi.

Maqolaning texnik talablari

• Shrift: Times New Roman, o‘lchami 14;
• Satrlar oralig‘i: 1.0;
• Sahifa chetlari: har tomondan 2 sm;
• Original maqolaning hajmi 5 sahifadan oshmasligi lozim (annotatsiya va adabiyotlar ro‘yxatini ham o‘z ichiga oladi);
• Tahliliy (obzorny) maqolalar qabul qilinmaydi.

Maqola tuzilmasi:

1. Sarlavha varag‘i
2. Annotatsiya va kalit so‘zlar
3. Asosiy matn (kontent)
4. Adabiyotlar ro‘yxati (References)
5. Bemorning roziligi
6. Bayonot:
   • Manfaatlar to‘qnashuvi haqida
   • Moliyaviy qo‘llab-quvvatlash haqida
7. Mualliflarning hissasi
8. Illyustrativ materiallar

Sarlavha varag‘i va annotatsiya rus, o‘zbek va ingliz tillarida tayyorlanadi (xorijiy fuqarolar uchun — rus va ingliz tillarida). Quyidagilarni o‘z ichiga oladi:

1. UDK (Universal Decimal Classification);
2. Maqola nomi – qisqa, aniq va mazmunli bo‘lishi kerak, katta harflar bilan yoziladi;
3. Muallif(lar)ning to‘liq ismi: familiya (to‘liq), ism va otasining ismi (masalan: Ivanov I.I.)
4. 1. Mualliflar familiyalari ilgari e’lon qilingan maqolalardagi transliteratsiya yoki BSI (British Standards Institution) tizimi asosida berilishi tavsiya etiladi;
   2. Bir nechta muallif bo‘lsa, familiya va tegishli muassasa yoniga raqamli indeks qo‘yiladi
5. Ilmiy daraja – yangi qatordan, birinchi harf katta, qolganlari kichik harflarda, qisqartmasiz
6. Ilmiy unvon – kichik harflar bilan, qisqartmasiz

“Kongress-2025 uchun maqola” belgisi bilan maqolalarni quyidagi elektron pochta manziliga yuboring: eye-center.conf@inbox.ru

Fayl nomida birinchi muallifning familiyasi, mamlakat nomi va fayl raqami (bo‘shliqsiz va nuqtalarsiz) bo‘lishi kerak.
Masalan: AlievUzbekistan 1.

Birinchi muallifdan 2 tadan ortiq maqola qabul qilinmaydi.